Qarasaq Eqqarsartoq

Qarasaq Eqqarsartoq qaarma tunuaniippoq.

Taanna atorlugu eqqarsartarpunga.

Maanna ajunngilanga.
Taamaattumik assigiinngitsunik eqqarsaateqarnissaq, isumassarsinissaq ajornartorsiutinillu aaqqiinissaq ajornanngilaq.

Qarasaq Kalerrisaarisoq

Qarasaq Kalerrisaarisoq niaqquma qeqqaniippoq.

Tamatuma ulorianartut eqqaamasarlugillu alaatsinaattarpai.

Qaratsap Kalerrisaarisup Qarasaq Eqqarsartoq ilungersornissamut qimaanissamulluunniit piareersartarpaa.

Qarasaq Eqqarsartoq

Qarasaq-kalerrisaasoq tamaviaaleraangat Qarasaq Eqqarsartoq sakkukillisarpoq.

Taava eqqarsarsinnaaneq, ilinniarsinnaaneq paasinnissinnaanerlu ajornarsisarput.

Qarasaq Kalerrisaarisoq

Qarasaq-Kalerrisaarisoq nuanninngilluinnartumik misigisaqarnermi malussarippallaalersinnaavoq

Taamaasillunga ersivallaalersinnaavunga, kamappallaalersinnaavunga imaluunniit aliasuppallaalersinnaavunga timeralu iluaallisinnaalluni.

Anniarneq tassaavoq ulorianartoqarneranut takussutissaq pingaartoq!

Taamaattumik anniarneq eqqumaffigineqalertarpoq.

Timikkut anniaatit kisimiittutullu misigisimanerput qaratsami assigiimmik inissisimaffeqarput!

Kisimiittutut misigisimaneq

Timikkut anniarneq

Taamaattumik kisimiittutut misigisimagaangama imaluunniit pitsaanngitsumik eqqarsaateqaraangama qaratsanni assigiimmik pisoqartarpoq, soorlu kaattamik niaqora anaalerlugu:

Annernartuassaaq

Qaratsap eqqarsaatit cellit iluanni kemiskimik nammineq oqaatsiminut nutsertarpai.

Ataasiarlutit eqqarsaruit...

taava qaratsat sianiutip cellianit tullianut ataatsimik ingerlaarfiliussaaq.

Taamatut eqqarsaqqikkuit...

taava ingerlaarfik nukittunerulissaaq.

Eqqarsaatit ulorianartut

qaratsami ulorianartunik ingerlaarfiliortarput.

Eqqarsaatit pitsaasut

qaratsami pitsaasunik ingerlaarfiliortarput.

Ullut tamaasa pitsaasunik eqqarsaateerarpassuaqaraangavit amerlasuunik annikitsunik iliuuseqaraangavit qaratsat sungiusartarpat

(Eqqarsaatit Nakorsaataasut)

Qaratsamik sungiusaaneq qaratsami ingerlaarfinnik ulorianartunik piiaasarpoq qaratsamilu – cellet ilorpiaanni - nutaanik nukittuunik pitsaasunillu ingerlaarfiliortarluni.

Qaratsap Kalerrisaarisup uummatillu akornanni toqqaannartumik attaveqarpoq.

Qarasaq kalerrisaarileraangat uummat sukkanerusumik tillilertarpoq – taamaasilluni timi tamaviaarnissamut qimaanissamullu piareertarpoq.

Atassuteqaat aamma killormut atuuppoq.

Uummatiga arriinnerusumik tillertilersinnaagukku Qaratsamut Kalerrisaarisumut ima nalunaassaaq: ”Pissutsit eqqissisimanarsipput, aarlerinartueruppoq”.

Taava Qarasaq Kalerrisaarisoq eqqississaaq Qarasarlu Eqqarsartoq iterluni.

Ima pitsaanerpaamik uummat arriinnerusumik tillertilerneqarsinnaavoq:

Itisuumik eqqissisimasumillu anersaartorit.