Anori pillugu oqaluttuaq

Nukappiaraq niviarsiararlu nalaatsornerinnakkut imminnut qiviarput, isaalu naapipput. Imminnullu isiginerminni isiminni anniaatinik takunnilerput. Unnuit ilaanni marluullutik anipput siku isikkivigalugu. Inuup ornippai sapiissuseqalersillugillu.

Sanileriillutik pingasuullutik qeqqipput, itisuumik anersaartorlutik, nipaannerlu aqqusaarlugu nipaqanngingajattumik nillerput:

TAAMATTOQASSANNGILAQ!

Nillernerat sallaakkaluartoq ima sakkortutigisimavoq anorinnguulluni, ullorissallu anori attualaarmassuk inuup eqqarsartaasianut tingippoq, putsut tammartillugit pingaartitallu ersarissut siornatigornit ersarinnerulersillugit. Taakkulu isumassarsianngortiterput sunulluunniit atorneqarsinnaasut. Inuillu nikuipput tasitsaarlutillu isumassarsianillu katersisartunngorlutik, nunarsuarmilu iliuutsit nutaat inissaqalerput.

Taamaattumik meeqqat namminneq siniffimminnukarsinnaapput toqqissillutillu sinillutik. Anorimillu tamarmik eqqaasinneqartarput sapiissuseqarneq iluaqutaasoq.