Itsarsuaq taamaallaat inuusinnaavugut, eqimattakkaarluta sulisaratta. Eqimattanit anisitaagaanni toqusoqartarpoq.

Taamaattumik kisimiittutut immikkoortitaasutullu misigigaanni qarasaq Annertuumik-kalerrisaarisarpoq

Tamanna inummut pisinnaasoq ulorianarnerpaajuvoq.

Sumiginnaanikkut, kanngutsaatsuliornikkut, nakuusernikkut, qinngasaarinikkut appisaluussinikkullu pisarpoq. Imminut – imaluunniit isiginnittutut.

Misisgisat taama ittut Qarasaq-Kalerrisaarisoq malussarissunngortissinnaavaa. Taamaasilluni pisunut annikikkaluit kalerrisaarut ikissinnaallugu.

Kisimiinneq

Ukiorpassuit matuma siorna inuit pinngortitami najugaqarput. Suli pinngortitami najugaqarpugut, allatulli.

Kukerujussuaqarluta inunngunngilagut.

Timmisinnaanngilagut, sukkasoorujussuarmillu arpassinnaanata.

Taamaammat taamani pinngortitami,
immitsinnut ikiornitsigut paarinitsigullu aniguinikuuvugut.

Kisimiileraanni, tammarluni, imaluunniit anisitaasimalluni, taava toqusoqartarpoq.

Timip, eqqarsaatillu atornissaat, imminullu atornissaq pikkoriffiginngikkaanni.

Taamani qanoq pisoqarsimanera timitta eqqaamasinnaavaa.

Kisimiittutut misigigaangatta, inunnillu qanitatsinnik sumiginnarneqartutut misigigaangatta timerput nillialersarpoq.

Assigiinngissuserput akuerigutsigu,

Ataatsimoorluta nukittunerussaagut. Sumiiffik namminiuffigisinnaasoq toqqissisimanarneruvoq, ilorpiami nalunagu kinaanerluni kinaarusunnerlunilu

Ullormiit ullormut timimi eqqarsaatinilu,

paasisassarsiortaraanni,aamma imminut ikinngutigilertoqarsinnaavoq.

Qaratsami Annertuumik-kalerrisaarisoqaraangat, Qaratsap- Eqqarsartup atornera annikillisarpoq.

Paasinnissinnaaneq, ilikkagaqarsinnaaneq eqqaamannissinnanerlu ajornarnerulertarput, Taamaasillunilu silararsuarmut malinnaaniarneq oqaatiginninniarnerlu ajornarnerulersarluni.

Timimullu akornutaalersinnaavoq.

Eqqarsartaatsikkut inuunermik ulorianartorsiornermut pisoqarsinnaavoq, Taamaasilluni eqimattaniinniaannarnissaq taamaallaat sammineqalersinnaalluni.

Akuerisaaniarluni allatut, nukittuutut, iliorniartoqartarpoq.

Tamanna isumaqarpoq, inummut allamut, ersititsisinnaasunik aliasulersitsisinnaasunillu nammineq oqaluttalersinnaanermik imaluunniit iliuuseqartalersinnaanermik. Ajornerpaavorlu imminut allanullu anniartitsisinnaanermik.

Nammineq peersitaanissarput ersigigatsigu, allat peersittarpagut.

Immaqa aamma tamanna imminut saatinneqartarpoq... Ajukkuppunga.

Inuit nakuusertartut, kanngutsaatsuliortartut qinngasaarisartullu kisimiilluinnartutut misigisarput.

Qarasaat-Eqqarsartut atorneri annikillinikuupput, taamaasillutillu eqqarsarluarsinnaanatik.

Pitsaasumik eqqarsarnissamut pitsaasumillu iliuuseqarnissamut ikiorneqarnissartik pisariaqartippaat.

Akiuunnermut aamma qimaanermut aamma tunngapput.

Avammut qisuariartoqartalersinnaavoq toqqortertoqalersinnaallunilUTamarmik allat Qaratsami-Kalerrisaarutaannut qisuariartitsisinnaapput, ajattuilersitsisinnaallutik, taamaasillunilu kisimiinninngortitsisinnaallutik.

Kaaviiaarneq ajortoq.

Suna tamarmi ima artornartigilersinnaavoq, imigassanik ikiaroornartunillu Qarasaq-Kalerrisaarisoq Qarasarlu-Eqqarsartoq ilisimajunnaartittalerlugit.

Neriuutaarunnermik kinguneqarsinnaavoq imminullu toqunnissamik eqqarsartoqalersinnaalluni.

Qaratsami annertuumik-kalerrisaarineq aamma akiuunnissamut periaatsinik pitsaasunik pilersitsisinnaavoq:

Peqqinnartumik kamanneq, iluarsiinissamik misigineq, narratsanneq, nukittorneq.

Kanngutsaatsuliorneq, naqisimanninneq iluarluanngitsullu akiorniarlugit nikussaqalerneq. Inuttut, inuiaqatigiinni politikkikkullu sapiissuseqalerneq paasisassanik kiisalu ikinngutinik nutaanik ujaasineq.

Nammineq allallu kiffaanngissuseqalersinnissaannut piumassuseqalerneq nukittornerlu. Inunnik ikiortarialinnik ikiuineq.

Toqqissisimanartumik ataatsimoorfimmik pilersitsisinnaanngikkaanni, imminut paarisoqartariaqarpoq.

anersaartorfik

Eqqarsaatit ima amerlatigisarput ilaanni eqqarsaatiginissaat qatsunnarsisarlutik, allaat sunnguamilluunniit eqqarsarnissaq eqianarsisarluni.

Taamaaliornikkut nammineq qamuuna ilukkut toqqissilluta eqqissisimaarfissatsinnik pilersitsisarpugut, eqqissisimanartumik, soorlu suna tamarmi ajunngitsoq.

Taqqamani anersaartorfissanni namminerluinnaq isummat malillugu aaqqissuisinnaavutit. Sutigut tamatigut nuannisaarfigisinnaavat , namminerpiaq aaliangersinnaavat tassani sussanerlutit, tassami tassani fantasiit atorsinnaagakku.

Anersaartorfinni tassani illioqqissaarsinnaavutit, ilukkut nammineq nalunagu kinaanerlutit qanorlu ilillutit ineriartorusunnerlutit. Anersaartorfimmi tassani ilinni pitsaanerpaat tikissinnaavatit. Tassanimi suna tamarmi eqqortutut misinnarpoq.

Toqqissillutit anersaartorfinnut pulajuarsinnaavutit, sivikinnerusumik sivisunerusumilluunniit, piumalleruit imaluunniit atorfissaqartitsileruit. Anersaartorfillu taanna ineriartortissinnaavat piumasat malilluinnarlugu.

Kialluunniit tikilluaqqusaaffigisaanik, toqqissisimanartumik nukittuumillu ataatsimoorfimmik pilersitsiniarluni arlalippassuartigut iliuuseqartoqarsinnaavoq:

• Ilaajunnaartitsinerup sunniutai pillugit ilisimasat siammarterlugit

• Assigiinngissuseq pingaartitatut tunngavittut atorlugu

• Sammisassat anguniagassallu pitsaasut pillugit ataatsimooqatigiinneq

• Kukkunerit ilikkarnissamut periarfissatut atorlugit – ataatsimoorluta sungiusarpugut!

• Kikkut tamarmik tulluartunik unammilligassaqarnissaat kiisalu iluatsitsinerpassuaqarnissaat qulakkeerlugu

• Iluamik immitsinnut oqaluuttarnikkut

• Ilassinikkut, immitisinnut tusarnaarnikkut, isinik qungujulasunik immitsinnut isiginikkut

• Arlaannik artornartoqarpat isumassuinikkut

• Ataatsimoorluta timip aalatinneratigut

• Aanngajaarniutit mianersuullugit