Ilisimasat Vitamiinit

Ilisimasat Vitamiinit...

Eqqarsaatit pitsaasut

 

Eqqarsaatit ajornaatsut naleqquttullu aamma eqqarsaatit asannittut

Eqqarsaatit ulorianartut

 

Eqqarsaatit uannut ajoqusiisinnaasut

Eqqarsaatit allanut ajoqusiisinnaasut

 

 

Silarsuatsinni marlunnik assigiinngitsunik eqqarsaateqarpoq.

 

Eqqarsaatit pitsaasut & Eqqarsaatit ulorianartut

 

Eqqarsaatit pitsaasut nuannaarnermik eqqarsaataajuaannanngillat.

Aliatsattarneq, kamaammertarneq ersiummertarnerlu inuunermut ilaapput. Aatsaat annertusivallaarpata,

sivitsuuppallaarlutilluunniit, ulorianarsisartut.

 

 

 

 

Eqqarsaat-Nakorsaat

 

Eqqarsaatit-Nakorsaatit – Eqqarsaatit mikisuaqqat amerlasuut ulluinnarni eqqaarsaatigisartakkat, ulluinnarmilu suliarisartakkat annikittut.

Pisariunngitsut, timi atorlugu. Eqqarsaatit-Nakorsaat ingasaanneqarsinnaanngilaq – malunniulluartarpoq tamatigut iluaalliuleraanni ingerlaannaq atoraanni.

 

Qaratsami eqqarsaateeqqat pitsaasut eqqarsaatinik ajortunik nerisarput.

Qarasaq-eqqarsartoq & Qarasaq-kalerrisaarisoq

 

… Ajunngikkaangama

 

Qarasaq-Eqqarsartoq

Qarasaq.-Eqqarsartoq qaama tunuani najugaqarpoq.

Eqqarsaatikka tamaasa suliarisarpai.

Maanna ajunngilanga.
Taamaasilluni assigiinngitsunik eqqarsarnissaq, isumassarsinissaq kiisalu ajornartorsiutinik aaqqiinissaq ajornannginneruvoq.

 

 

Qarasaq-Kalerrisaarisoq

Qarasaq – Kalerrisaarisoq niaqquma qeqqani najugaqarpoq.

Ulorianartut eqqaamasarpai, alaatsinaattarlugillu.

Pisariaqarfiini ilungersornissamut qimaanissamulluunniit Qarasaq-Eqqarsartartoq piareersartarpaa.

 

Qarasap – Kalerrisaarisartup paarivaanga.

 

 

Qarasaq-eqqarsartoq & Qarasaq-kalerrisaarisoq

 

… Artorsaraangama

 

Qarasaq-eqqarsartoq

Qarasaq-kalerrisaarisartoq tamaviaaleraangat,

qarasaq eqqarsarluarsinnaasoq sakkukillisinneqartarpoq.

Taava eqqarsarsinnaaneq, ilinniarsinnaaneq paasinnissinnaanerlu ajornarsisarpoq

 

Qarasaq-Kalerrisaarisoq

Qarasaq-Kalerrisaarisartoq,

nuanninngilluinnartumik misigisaqarsimaguma malussarippallaalersinnaavoq.

Taamaasillunga ersivallaalersinnaavunga, kamappallaalersinnaavunga imaluunniit aliasuppallaalersinnaavunga timeralu iluaallisinnaalluni.

 

Qarasaq-Kalerrisaarisup paarivaanga.

Ikiorneqarnissaq pisariaqartippara.

 

Silarsuarmi suna ulorianarnersaava?

Kisimiittutut misigisimallunga

Qaratsap

Nakorsaataasivia

 

Nakorsat atorneqalinngikkallarmata, pinngortitaq nammineq nakorsaatiminik peqarpoq. Taamaattumik qarasaq nammineq nakorsaataasiveqarpoq, timip nipaallisaataanik (endorfiininik) ajunngitsunillu sananeqaatinik (stoffinik) allanik sanasartumik. Endorfiinip morfiini assigaa, kisianni 300-riaammik sakkortunerulluni pisinnaasaqarneroqalunilu.

 

 

 

Endorfiini inuulluataalersitsisarpoq makkununngalu ikiuutaalluni:

 

  • Timikkut tarnikkullu anniarneq iluaalliornerlu
  • Uippakajaarneq (stress) ernumanerlu
  • Annilaanganeq kamannerlu
  • Sinissaarunneq
  • Oqimaappallaarneq
  • Pinngitsuuisinnaannginneq, ass. tupa, aalakoornartoq, nakorsaatinik aanngajaarniutinillu

Qarasaq-Kalerrisaarisoq itisuumik eqqissisimasumillu anersaartornikkut Eqqissisarneqarsinnaavoq

 

 

Qarasap-Kalerrisaarisup uummatillu akornanni toqqaannartumik attaveqarpoq.

Qaratsami kalerrisaarisoqarpat, uummat sukkasuumik ingerlalertarpoq

– taamaasigaangami timi akiuunnissaminut qimaanissaminullu piareertarpoq.

 

Atassuteqaat aamma killormut atuuppoq.

Uummatiga arriillisissinnaagukku,

Taava Qaratsamut-Kalerrisaarisumut ima nalunaassaaq:

”Eqqissisimasoqarpoq, navianartorsiortoqanngilaq”.

 

Taava Qarasaq-Kalerrisaarisoq eqqississaaq Qarasarlu-Eqqarsartoq eqeerluni.

 

Aajuna uummatip eqqissisimasumik kassutsinnissaanut periuseq pitsaanerpaa:

Itisuumik eqqissisimasumillu anersaartorit.

 

 

Qarasaq sungiusarneqarsinnaavoq

 

Qaratsap eqqarsaatit cellit iluanni kemiskimik nammineq oqaatsiminut nutsertarpai.

 

Eqqarsaammik ataatsimik eqqarsaateqaruit...

Taava sianiutip cellianit tullianut qaratsavit takussutissiussavaa.

Eqqarsaat taanna eqqarsaatigeqqikkukku...

Taava takussutissaq sakkortusissaaq.

 

Eqqarsaatit ulorianartut qaratsami takussutissanik ulorianartunik peqalersitsissapput.

 

Eqqarsaatit pitsaasut qaratsami takussutissanik pitsaasunik peqalersitsisarput.

 

Ullut tamaasa eqqarsaatinik pitsaasunik amerlasuunik eqqarsaraangavit pitsaasunillu amerlasuunik iliuuseqaraangavit, qaratsat sungiusartarpat (Eqqarsaat-Nakorsaat).

 

Qaratsamik sungiusaaneq qaratsami takussutissanik ulorianartunik piiaasarpoq

Qaratsamilu takussutissanik nutaanik nukittuunik pitsaasunillu pilersitsisarluni – cellet ilorpiaannut.

 

 

 

 

 

Oqaluttuat

 

Inuit uagut inuuneq pillugu oqaluttuartuaannarnikuuvugut.

Namminiulluni allallu peqatigalugit inuuneq pillugu.

Oqaluttuat pitsaasut eqqarsaatinut nakorsaataapput.

 

 

 

Atuarit Tusarnaarlutillu

Una Tooruk

Ilisimasat Vitamiinit

amerlanerit

 

Uani

Thinkinuk

 

Poul & Louise

Lundgaard