Kisimiinneq

Inuit nakuusertartut, kanngutsaatsuliortartut qinngasaarisartullu kisimiilluinnartutut

misigisarput.

 

Qarasaat-Eqqarsartut atorneri annikillinikuupput, taamaasillutillu eqqarsarluarsinnaanatik.

 

Pitsaasumik eqqarsarnissamut pitsaasumillu iliuuseqarnissamut ikiorneqarnissartik

pisariaqartippaat.

Itsarsuaq taamaallaat inuusinnaavugut,

eqimattakkaarluta sulisaratta.

Eqimattanit anisitaagaanni toqusoqartarpoq.

Qaratsami Annertuumik-kalerrisaarisoqaraangat, Qaratsap-Eqqarsartup atornera annikillisarpoq.

 

Paasinnissinnaaneq, ilikkagaqarsinnaaneq eqqaamannissinnanerlu ajornarnerulertarput,

Taamaasillunilu nunarsuarmut malinnaaniarneq oqaatiginninniarnerlu ajornarnerulersarluni.

Timimullu akornutaalersinnaavoq.

Qaratsami annertuumik-kalerrisaarineq aamma akiuunnissamut periaatsinik pitsaasunik pilersitsisinnaavoq: - Peqqinnartumik kamanneq, iluarsiinissamik misigineq, narratsanneq, nukittorneq. Kanngutsaatsuliorneq, naqisimanninneq iluarluanngitsullu akiorniarlugit nikussaqalerneq. Inuttut, inuiaqatigiinni politikkikkullu sapiissuseqalerneq paasisassanik kiisalu ikinngutinik nutaanik ujaasineq.

 

Nammineq allallu kiffaanngissuseqalersinnissaannut piumassuseqalerneq nukittornerlu.

Inunnik ikiortarialinnik ikiuineq.

Toqqissisimanartumik ataatsimoorfimmik pilersitsisinnaanngikkaanni, imminut paarisoqartariaqarpoq.

Kisimiinneq

 

 

Ukiorpassuit matuma siorna inuit pinngortitami najugaqarput.

Suli pinngortitami najugaqarpugut, allatulli.

 

Kukerujussuaqarluta inunngunngilagut.

Timmisinnaanngilagut, sukkasoorujussuarmillu arpassinnaanata.

 

Taamaammat taamani pinngortitami,
immitsinnut ikiornitsigut paarinitsigullu aniguinikuuvugut.

 

Kisimiileraanni,

Tammarluni, imaluunniit anisitaasimalluni,

Kisianni tassa nersutinik qaasuttunik nerineqarluni

 

- Timip, eqqarsaatillu atornissaat, imminullu atornissaq pikkoriffiginngikkaanni
taama pisoqartarpoq.

 

*****

 

Taamani qanoq pisoqarsimanera timitta eqqaamasinnaavaa.

Kisimiittutut misigigaangatta, inunnillu qanitatsinnik sumiginnarneqartutut 
misigigaangatta timerput nillialersarpoq.

 

Taamaattumik inuppassuit, inunnit aalajangiisartunit akuerineqarusullutik
qanorluunniit iliornissaminnut piareersimasarput.

- Allaat imminnut allalluunniit nassuiaruminaatsumik naalliutsissinnaallugit.

 

*****

Assigiinngissuserput akuerigutsigu,

Ataatsimoorluta nukittunerussaagut.

Sumiiffik namminiuffigisinnaasaq

Toqqissisimanarneruvoq,

ilorpiami nalunagu kinaanerluni kinaarusunnerlunilu

 

Taamaasilluta imminut immitsinnullu paarilluarsinnaavugut

 

Ullormiit ullormut timimi eqqarsaatinilu,

paasisassarsiortaraanni,

aamma imminut ikinngutigilertoqarsinnaavoq.

 

Taamaattumik kisimiittutut anisinneqarsimasutullu misiginermi qaratsami Annertuumik-kalerrisaarisoqartarpoq

Tamanna inummut pisinnaasoq ulorianarnerpaajuvoq.

 

Sumiginnaanikkut, kanngutsaatsuliornikkut, nakuusernikkut, qinngasaarinikkut appisaluussinikkullu pisarpoq.

Imminut – imaluunniit isiginninnikkut.

 

Misisgisat taama ittut Qaratsami-Kalerrisaarut malussarissunngortissinnaavaat.

Taamaasilluni pisunut annikitunut kalerrisaarut aallartittalersarluni.

Eqqarsartaatsikkut inuunermik

ulorianartorsiornermut pisoqarsinnaavoq,

Taamaasilluni eqimattaniinniaannarnissaq taamaallaat

sammineqalersinnaalluni.

 

Akuerisaaniarluni allatut, nukittuutut, iliorniartoqartarpoq.

 

Inuppassuit akuerisaasutut misiginiarlutik suna tamangajaat iliuuserisinnaavaat.

 

Tamanna isumaqarpoq, inummut allamut, ersititsisinnaasunik aliasulersitsisinnaasunillu nammineq oqaluttalersinnaanermik imaluunniit iliuuseqartalersinnaanermik.

Ajornerpaappallu imminut allanullu anniartitsisinnaanermik.

 

Nammineq ilaajunnaartitaanissarput ersigigatsigu, allat ilaajunnaartittarpagut.

 

Immaqa aamma tamanna imminut

saatinneqartarpoq...

- Ajukkuppunga.

Anersaartorfik

 

Eqqarsaatit ima amerlatigisarput ilaanni eqqarsaatiginissaat qatsunnarsisarlutik, allaat sunnguamilluunniit eqqarsarnissaq eqianarsisarluni.

Taamaaliornikkut nammineq qamuuna ilukkut toqqissilluta eqqissisimaarfissatsinnik pilersitsisarpugut, eqqissisimanartumik, soorlu suna tamarmi ajunngitsoq.

Taqqamani anersaartorfissanni namminerluinnaq isummat malillugu aaqqissuisinnaavutit. Sutigut tamatigut nuannisaarfigisinnaavat , namminerpiaq aaliangersinnaavat tassani sussanerlutit, tassami tassani fantasiit atorsinnaagakku.

Anersaartorfinni tassani illioqqissaarsinnaavutit, ilukkut nammineq nalunagu kinaanerlutit qanorlu ilillutit ineriartorusunnerlutit. Anersaartorfimmi tassani ilinni pitsaanerpaat tikissinnaavatit. Tassanimi suna tamarmi eqqortutut misinnarpoq.

Toqqissillutit anersaartorfinnut pulajuarsinnaavutit, sivikinnerusumik sivisunerusumilluunniit, piumalleruit imaluunniit atorfissaqartitsileruit. Anersaartorfillu taanna ineriartortissinnaavat piumasat malilluinnarlugu.

Kisimiinneq...

Qaratsami Annertuumik-Kalerrisaarineq

Eqqarsartaatsikkut inuunermik ulorianartorsiorneq Annanniarneq

 

...Akiuunnermut aamma qimaanermut aamma tunngapput.

 

Avammut-qisuariartoqartalersinnaavoq imaluunniit toqqortertoqalersinnaalluni.

 

Tamarmik allat Qaratsami-Kalerrisaarutaannut qisuariartitsisinnaapput,

ajattuilersitsisinnaallutik, taamaasillunilu kisimiinninngortitsisinnaallutik.

Kaaviiaarneq ajortoq.

 

Suna tamarmi ima artornartigilersinnaavoq, imigassanik ikiaroornartunillu Qarasaq-Kalerrisaarut Qarasarlu-Eqqarsartoq ilisimajunnaartittalerlugit.

 

Neriuutaarunnermik kinguneqarsinnaavoq imminullu

toqunnissamik eqqarsartoqalersinnaalluni.

Kialuunniit tikilluaqqusaaffigisaanik, toqqissisimanartumik nukittuumillu ataatsimoorfimmik pilersitsiniarluni arlalippassuartigut iliuuseqartoqarsinnaavoq:

  • Ilaajunnaartitsinerup sunniutai pillugit ilisimasat siammarterlugit
  • Assigiinngissuseq pingaartitatut tunngavittut atorlugu
  • Sammisassat anguniagassallu pitsaasut pillugit ataatsimooqatigiinneq
  • Kukkunerit ilikkarnissamut periarfissatut atorlugit – ataatsimoorluta sungiusarpugut!
  • Kikkut tamarmik tulluartunik unammilligassaqarnissaat kiisalu iluatsitsinerpassuaqarnissaat qulakkeerlugu
  • Iluamik imminut oqaluuttarnikkut
  • Ilassinikkut, imminnut tusarnaarnikkut, isinik qungujulasunik imminnut isiginikkut
  • Arlaannik artornartoqarpat isumassuinikkut
  • Ataatsimut timip aalatinneratigut
  • Aanngajaarnartut mianersuunnerisigut

Thinkinuk

 

Poul & Louise

Lundgaard